Hundreds of his friends gathered to pay their last respects as his funeral cortege made its way to the Sri Saddatissa International Buddhist Center in Kingsbury. He was a very popular caretaker at the temple and served as the Kapumahaththaya in the Sri Vishnu and Katharagama Devalaya attending to requests of many devotees who came there looking for comfort and consolation in times of distress and difficulties.
From the temple his remains were taken to the Golders Green crematorium where the funeral ceremony was held. Members of the Maha Sangha, including the Chief Sangha Nayaka of Great Britain, Head of the Sri Saddatissa International Buddhist Centre Most Ven. Aggamaha Panditha Galayaye Piyadassi Nayaka Thera, Chief Sangha Nayaka of Western Province in Sri Lanka and the Head of the Athula Dassana Buddhist Vihra in Colombo Ven. Borelle Athula Nayaka Thera, Head of the Kachchuwaththa Purana Vihara Ven. Uluwitike Bodhiseeha Thera, Ven. Prof. Deegalle Mahinda Thera of Bath Spa university conducted the funeral service.
ලන්ඩන් නුවර ශ්‍රී සද්ධාතිස්ස ජාත්‍යන්තර බෞද්ධ මධ්‍යස්ථානයට අනුබද්ධව පිහිටුවා ඇති විෂ්ණු කතරගම දේවාලයේ ආරම්භයේ සිට සියලු තේවා කටයුතු සහ පුද පුජා පැවැත්වූ ලීලාරත්න කාරියවසම් කපු මහතාගේ ආදාහනය හිතමිතුරන් විශාල සංඛ්‍යාවකගේ සහභාගිත්වයෙන් ලන්ඩන් නුවරදී සිදුවිය.
ඔහුගේ මෘතදේහය එදින උදැසන කින්ස්බරි විහාරස්ථානයට රැගෙන එනු ලැබිය. එහිදී මහා සංඝරත්නය ඇතුළු හිතමිතුරන් බොහෝදෙනෙක් ඔහුට සිය අවසන් ගෞරවය දැක්වුහ. ලීලාරත්නයන්ගේ බෞද්ධ විවාහ චාරිත්‍ර සහ වෙනත් සංස්කෘතික වැඩ කටයුතු සඳහා උදව් උපකාර කළ පණ්ඩුක වික්‍රමරත්න, ඒ.පී.අත්තනායක සහ ජයරත්න බණ්ඩාර වැනි හිතවත්හු විසින් විහාර භුමිය ගොක් රැහැන් සහ සුදු කොඩි ඇද අවමංගල්‍යය සඳහා සුදානම් කළහ.
එතැන් සිට සැතපුම් හයක් වැනි දුරකින් පිහිටි ගොල්ඩර්ස් ග්‍රීන් ආදාහනාගාරය වෙත මෘතදේහය රැගත් දෙන රිය පෙරහරකින් රැගෙන යනු ලැබිය. අවසන් කටයුතු සඳහා ද විශාල පිරිසක් සහභාගිව සිටියහ. මහා බ්‍රිතාන්‍යයේ ප්‍රධාන සංඝ නායක කින්ස්බරි සද්ධාතිස්ස ජාත්‍යන්තර බෞද්ධ මධ්‍යස්ථානාධිපති අග්ගමහා පණ්ඩිත ගලයායේ පියදස්සි නාහිමි, බොරැල්ල අතුල දස්සන බෞද්ධ මධ්‍යස්ථානාධිපති කොළඹ දිසාවේ ප්‍රධාන සංඝ නායක බොරැල්ලේ අතුල නාහිමි, ගාල්ල කච්චුවත්ත පුරාණ විහාරස්ථානාධිපති උළුවිටිකේ බෝධිසීහ හිමි, බාර්ත් ස්පා විශ්ව විද්‍යාලයේ මහාචාර්ය දීගල්ලේ මහින්ද හිමි ඇතුළු මහා සංඝ රත්නය දහනමක් අවසන් කටයුතු සඳහා සහභාගී වුහ.
ආදාහන කටයුතු මෙහෙය වුයේ ලීලාරත්නයන් අසනිප වුදා සිට දිනපතා ඉමහත් උනන්දුවකින් ඔහුගේ අවශ්‍යතාවයන් සොයා බලමින් දැඩි සෙනෙහසකින් යුතුව කටයුතු කළ කින්ස්බරි විහාරවාසී නෙපාලේ සුමන හිමියන් විසිනි. බොරැල්ලේ අතුල හිමියන් පැමිණ සිටි සියලු දෙනා පන්සිල්හි පිහිට වූහ.
පියදස්සි නාහිමියන් අනුශාසනාව පවත්වමින් ලීලාරත්න වැනි පින්වත් මිනිසකු නැවත හමුවීම ඉතාම දුලබ බව පැවසුහ. ගුණ කථනය පැවැත්වූ බාර්ත් ස්පා විශ්ව විද්‍යාලයේ කථිකාචාර්ය මහාචාර්ය දීගල්ලේ මහින්ද හිමි පැවසුවේ ලීලරත්නයන්ගේ අභාවය පිළිබඳව දැනගත හැකි වුයේ ලංකාදීප එසැණ වෙබ් අඩවියෙන් බවය. ලන්ඩනයේ හිටපු ශ්‍රී ලංකා මහකොමසාරිස් චන්ද්‍රා මොනරාවල ඉංග්‍රීසි භාෂාවෙන් ගුණ කථනයක් කළේය.
මතක වස්ත්‍ර පුජාව ගාල්ල කච්චුවත්ත පුරාණ විහාරාධිපති උළුවිටිකේ බෝධිසීහ හිමියන් විසින් මෙහෙයවනු ලැබිය. කින්ස්බරි විහාරස්ථානය සහ ලීලාරත්නයන්ගේ සියලුම හිතවතුන් වෙනුවෙන් අතුල ද සිල්වා ස්තුති කථාව කළේය
Pictures by Tissa Madawela & Prasad Fernando
COMMENT