පිටරටදී හරියට නම් දැනගෙන ගිහින් මාළු ගන්න

පිටරට ඉන්න ගොඩ දෙනෙක් අහන ලොකු ප්‍රශ්නයක් තමයි අනේ මාළු ගන්න ගියාම මොනාද ගන්නේ ? ලංකාවේ මාළු මොනවද ? අපේ මාළු වලට ඉංග්‍රීසියෙන් කියන නම මොකක්ද?

මේ හැම ප්‍රශ්නයක්ම මටත් නොවඩුව තිබුනා. ලගකදී වෙනකම් මම මාළු ගන්න තැනට ගියාම ලජ්ජා බය නැතුව මාළු ගන්න අයගෙන් ඇයි එක ගත්තේ? එකෙන් මොනවද කරන්නේ කියලා අහනවා. විශේෂයෙන් ඉන්දියන් අයගෙන්. මිරිසට උයන මාළු කිරට උයන මාළු තමයි විශේෂයෙන් එයාලා ගන්නේ. ඒ අතර අරාබි ජාතිකයින් බේක් , BBQ සහ Grill කරන මාළු තමයි මිලට ගන්නේ.

ඉතින් මම හිතුවා ඔයාලට අපේ සිංහල නම් වලින් හදුන්වන මාළුන්ගේ ඉංග්‍රීසි නම් ටික කියන්න.
Mackerel Tuna ඇටවැල්ලා
Yellow fin tuna කෙලවල්ලා
Skipjack tuna බලයා
මේ වර්ග තුනම ගොඩක් දුරට සමානයි. වැඩියෙන්ම හොද ඇඹුල්තියල් වලට සහ මිරිසට. ලුණු ගම්මිරිස් දාලා තම්බලා ගත්තොත් කට්ලට් පැටිස් වලට හෝ වේලලා උම්බලකඩ දාන්න නියමයි.

Indian mackerel කුම්බලාව
බල මාළු නැති වෙලාවට මම ඇඹුල්තියල් දාන්නේ මේ මාලුවගෙන්. මිරිසට උයන්න්නත් කියාපු මාලුවෙක්. එවගෙම ඉස්ටු දාන්නත් හොදයි.

Spanish mackerel/ King fish / seer fish / king Mackerel තෝර මාළු
කහ පාටට කිරට උයන්න වගේම හීනි පෙති කපලා ගම්මිරිස් ලුණු කහ අතගාලා ගැඹුරු තෙලේ හෝ පෑන් එකේ බදින්න හරි බිස්කට් කුඩු තවරලා බදින්නත් ගොඩක් සුදුසුයි.

Sailfish තලපත්
අම්බුලතියල් දාන්න හොද මාලුවෙක්. කොටු කපලා තැඹිලි පාටට කිරි දාලා උයලා දාන වලට කිරි හොදි හදන්නත් රසයි.

Pony fish කරාල්ලා
ගොඩක් කටු තියන මාලුවෙක්. කාරල්ලගේ පොඩි පැටවුන් සුප් හදලා නැම්බිලියේ පොඩි කරලා පෙරලා බොන්න ගුණයි. ටිකක් ලොකු එවුන් ලුණු දාලා ගැඹුරු තෙලේ බදින්න හරිම රසයි. කෑම කඩවල මිරිස් බැදලා කාරල්ලෝ බැදලා තියනවා ගොඩක් වෙලාවට.

Sardines හුරුල්ලා
උෂ්න මාලුවෙක්. තැඹිලි පාටට හොද්ද උයන්න හෝ මිරිසට හින්දන්නත් පුළුවන්. ඉස්ටු දාන්නත් පුළුවන්.
කීරමින් / සාලයා
සලයාගේ පොඩි එවුන් කීරමින්. වේලලා කිරමින් කියන කරවලයට ගන්නේ මොවුන්. මිරිසට හින්දන්න , ලුණු ගම්මිරිස් කහ දාලා බදින්න නියමයි.

Anchovy හාල්මැස්සා
Indian anchovy හැදැල්ලා
පොඩි එවුන් හාල්මැස්සෝ ලෙසද තරමක් ලොකු එවුන් හැදල්ලන් ලෙසද හදුන්වනවා. අමු හාල්මැස්සෝ මිරිසට හින්දන්න , තෙල් දාන්න පුළුවන්.
හැදැල්ලන් කහ පාටට කිරි හොදි හදලා ඉදි ආප්ප කන්න නියමයි. තෙල් දාන්න , බදින්න , හින්දන්න මේ ක්‍රමයන්ටත් හරිම රසයි.

Travelly පරා මාළු
ඉස්ටු හදන්න , තැඹිලි පාටට හොදි හදන්න රස මාලුවෙක්.

Shark fish මෝර මාළු
කළු පාටට මිරිසට හින්දලා උයන්න හොද මාලුවෙක්.

Mullet fish ගල් මාළු
මාළු වල අංක එකේ මාළුවා . ගත්තොත් ඕන විදියකට හදන්න පුළුවන්. කිරට මිරිසට ඉස්ටු බේක් බදින්න මේ ඕන විදියකට රසයි. හැබැයි අපි ලංකාවේ නිතර දකින හැඩයට නෙමෙයි මෙහෙ ඉන්නේ. ඒ නිසා නම බලල අහලා ගන්න.

මීට‍ අමතරව මැද පෙරදිග බහුලව දකින්න ලැබෙන sheri මාළුවත් ගල් මාළු වලට සමාන මාලුවෙක්.
මේ අපේ දැනුමෙන් ලියපු ලිපියක්. වැරද්දක් හෝ යමක් එකතු කිරීමට තියනවනම් කාරුණිකව කමෙන්ට් එකකින් කියන්න.
හුදෙක් නොදන්නා අය වෙනුවෙන් මේ ලිපිය පල කරන්න හිතුවේ. දන්නා ඔබගේ වටිනා අදහස් බෙදා ගන්න.

Source - Sakura Rodrigo
https://www.facebook.com/slcuisines/posts/764530604123135